काठमाण्डौ – गण्डकी प्रदेश सरकारले ‘राइड सेयरिङ नियमावली’लाई एक महिनाका लागि रोक्ने निर्णय गरेपछि लामो रस्साकस्सीपछि यातायात व्यवसायीले आन्दोलन स्थगन गरेका छन्। आन्दोलन फिर्ता भएसँगै सार्वजनिक गाडी फेरि सञ्चालनमा आएका छन्, जसले यात्रुहरूलाई ठूलो राहत मिलेको छ।
सरकार र व्यवसायीबीच मध्यरातमा भएको सहमति कार्यान्वयनमा ढिलाइ भएको भन्दै हिजोसम्म गाडी चलेका थिएनन्। तर हिजो साँझ बसेको नेपाल यातायात व्यवसायी राष्ट्रिय महासंघको बैठकले तत्कालका लागि सबै आन्दोलन स्थगित गर्ने निर्णय गरेको हो। महासंघका अध्यक्ष विजय स्वाँरका अनुसार, अबको समाधान संवादमार्फत खोजिनेछ।
