इन्द्रजात्राको पहिलोमा वसन्तपुरमा दर्शको भीड
काठमाडौँ, १९ भदौः भाद्र शुक्लपक्ष द्वादशीका दिन बिहीबार आज इन्द्रजात्राको पहिलो दिन वसन्तपुरमा यस वर्ष निधन भएका मृतकआफन्तजनको सम्झनामा दीप तथा धूप बालेर उपत्यका यात्रा गर्ने पर्व ‘आपकू’ लगायत विभिन्न देवी नाच हेर्न आएका दर्शकको भिड। आज बिहानको शुभसाइतमा इन्द्रध्वजोत्थानबाट सुरू भई पुलुकिसी, आकास भैरव, लाखे नाचलगागत विभिन्न देवी नाचको पनि प्रदर्शन गरिन्छ । तस्बिरः चन्द्रकला क्षेत्री÷रासस
काठमाडौँ – परम्परा, पूजाआजा र सांस्कृतिक विविधताले भरिएको काठमाडौँ उपत्यका आज इन्द्रजात्राको रौनकमा डुबेको छ। वर्षाका देवता देवराज इन्द्रको सम्मानमा मनाइने यो जात्रा विशेषगरी काठमाडौँ, ललितपुर, भक्तपुर, धुलिखेल र दोलखालगायत क्षेत्रहरूमा भव्य रूपमा मनाइँदैछ।
इन्द्रध्वजासहितको लिङ्गो ठड्याएर प्रारम्भ गरिने यस पर्वमा ऐतिहासिक हनुमानढोकाबाट कुमारी, गणेश र भैरवको रथयात्रा निकालिन्छ, जसलाई राष्ट्रपति स्वयं अवलोकन गर्ने परम्परा रहेको छ। आठ दिनसम्म चल्ने यो जात्रामा विभिन्न नाचगान, देवपूजा र सांस्कृतिक प्रस्तुतिहरू समावेश छन्।
यसै अवसरमा, काठमाडौँको दहचोकस्थित इन्द्रदहमा भक्तजनहरू रातभर जाग्राम बसेर भोलि स्नान गर्ने र मेलामा सहभागी हुने गर्दछन्। आजकै दिन अनन्त चतुर्दशी परेकाले भगवान् विष्णुको पनि विशेष पूजा गरिँदैछ।
