अमेरिकी पूर्वराष्ट्रपति डोनाल्ड ट्रम्पले विदेशी औषधिजन्य वस्तुहरूमा उच्च भन्सार शुल्क लगाउने योजना बनाइरहेको संकेत गरेका छन्। टेलिभिजन अन्तर्वार्तामा उहाँले प्रारम्भिक चरणमा न्यून दरमा शुल्क सुरु गरिए पनि आगामी एक–डेढ वर्षभित्र १५० प्रतिशत हुँदै २५० प्रतिशतसम्म पुग्न सक्ने जानकारी दिनुभयो।
त्यसैगरी, ट्रम्पले विदेशी अर्धचालक (सेमिकन्डक्टर) सामग्रीमाथि समेत नयाँ शुल्क लागू गर्ने तयारी भइरहेको पनि उल्लेख गर्नुभयो। भारततर्फ इंगित गर्दै उहाँले रुसबाट कच्चा तेल आयात गरिरहेकाले भारतमाथि समेत आयात शुल्क कडा बनाउने चेतावनी दिनुभएको छ।
खबरहरू अनुसार यो निर्णय केही घण्टाभित्रै कार्यान्वयनमा आउन सक्ने सम्भावना रहेको छ। यसअघि ट्रम्प प्रशासनले अप्रिल २०२५ मा अधिकांश व्यापारिक साझेदारहरूलाई १० प्रतिशतको आधारभूत भन्सारमा ल्याइसकेको थियो भने फलाम र एल्युमिनियममा ५० प्रतिशत शुल्क लागू गरिसकेको छ।
