अस्ट्रेलियाले नेपालमा आएको विनाशकारी बाढीपछि राहत सहयोग स्वरूप अस्ट्रेलियन एयर फोर्सको सी-१७ए विमान पठाउने भएको छ।
रोयल अस्ट्रेलियन एयर फोर्सको यो विमानले मानवीय राहत सामग्री, विपत्ति प्रतिक्रिया उपकरण र उद्धार तथा राहत कार्यमा सहयोग गर्ने कर्मचारी लैजानेछ। अस्ट्रेलियन डिफेन्स फोर्सले विदेश मामिला तथा व्यापार विभागलाई सहयोग गर्न यो यातायात विमान उपलब्ध गराएको हो।
अस्ट्रेलियन रक्षा मन्त्रालयका अनुसार विमान आगामी केही दिनभित्र राहत सामग्री, उपकरण र कर्मचारीसहित नेपालका लागि प्रस्थान गर्नेछ। यो सहयोग अस्ट्रेलिया सरकारको नेपालमा भएको विपत्तिप्रतिको व्यापक प्रतिक्रियाको अंश हो।
