आत्मदाहको प्रयासपछि उपचारका क्रममा मृत्यु भएका गणेश नेपालीको परिवारले उनलाई शहीद घोषणा गर्न सरकारसँग माग गरेको छ। परिवारले माग पूरा नभएसम्म शव नबुझ्ने अडान लिएको छ जसले गर्दा दुई दिनदेखि पोस्टमोर्टम समेत रोकिएको छ।
मुगुबाट काठमाडौं आएका गणेशका आमाबुबा तथा परिवारका सदस्यहरूले शुक्रबार काठमाडौं जिल्ला प्रशासन कार्यालयमा सरकारी प्रतिनिधिसँग छलफल गर्दै शहीद घोषणा, दोषीमाथि कारबाही, उचित राहत र परिवारका सदस्यलाई रोजगारीको व्यवस्था गर्नुपर्ने माग गरेका छन्।
परिवारले अझै पनि मागमा अडान कायम राखेको छ। यो घटनाले स्थानीय प्रशासन र सरकारलाई दबाब दिएको छ।
