नेपाल माइक्रो इन्स्योरेन्स कम्पनी लिमिटेड (NMIC) को सञ्चालक समितिको अध्यक्षमा आशिष श्रेष्ठ नियुक्त भएका छन्। नेपाल बीमा प्राधिकरणको कार्यालयमा आयोजित विशेष कार्यक्रममा उनले पद तथा गोपनीयताको सपथ लिएका थिए।
सपथ ग्रहण समारोहमा नेपाल बीमा प्राधिकरणका अध्यक्ष सूर्यप्रसाद सिलवालको प्रमुख उपस्थिति रहेको थियो। आशिष श्रेष्ठले अध्यक्षको जिम्मेवारी सम्हाल्दै कम्पनीलाई थप मजबुत र ग्रामीण तथा न्यून आय भएका समुदायमा बीमा सेवा विस्तार गर्ने प्रतिबद्धता व्यक्त गरेका छन्।
नेपाल माइक्रो इन्स्योरेन्स कम्पनी नेपालको पहिलो गैर-जीवन माइक्रो इन्स्योरेन्स कम्पनी हो जसले सानो तथा किफायती बीमा सेवा मार्फत सर्वसाधारणलाई बीमा पहुँचयोग्य बनाउने लक्ष्य राखेको छ।
यो नियुक्तिले कम्पनीको नेतृत्वमा नयाँ ऊर्जा थप्ने र बीमा क्षेत्रको विकासमा योगदान पुग्ने अपेक्षा गरिएको छ।
