महिला टी–२० विश्वकप एसिया छनोटअन्तर्गत नेपाल र हङकङबीचको महत्वपूर्ण खेल आज थाइल्याण्डको एशियन इन्स्टिच्युट अफ टेक्नोलोजी मैदानमा दिउँसो १२:१५ बजे सुरू हुने भएको छ।
नेपालले यसअघि बहराइनलाई ९ विकेटले हराएको थियो, तर त्यो खेल वर्षाले छोट्याएर ५ ओभरमा सीमित गरिएको थियो। नेपाल र हङकङबीचको पहिलो खेल वर्षाका कारण रद्द भएको थियो।
समूह ‘सी’ मा रहेका नेपाल, बहराइन र हङकङले दुई–दुई पटक एकअर्काविरुद्ध खेल्नेछन्, जसको आधारमा शीर्ष टोली अर्को चरणमा प्रवेश गर्नेछ। प्रतियोगितामा कुल ९ देश सहभागी छन्, जसबाट अन्ततः दुई टोलीले विश्वकपको ग्लोबल छनोटमा स्थान बनाउनेछन्।
